Kashif Majeed | Poetry | کاشف مجید کی شاعری سے ایک صفحہ
– June 15, 2012Posted in: 1 Poet 1 Page
اردو سخن میں شامل تحریروں پر احبابِ سخن کی رائے
- Shabbir Nazish
on Shabbir Nazish شبیر نازش کی شاعری سے ایک صفحہ - imran aashir
on Munazza Rasool Amar | Ghazal | میں قطرہ تھی سمندر ہو گئی ہوں - imran aashir on Imran Aashir | Poetry Book | ابھی موسم نہیں بدلا
- suhail saqib
on Suhail Saqib | Sarfraz Hussain Zia | ناصر ملک کی دمام آمد - Dr. Md. Yahya Saba
on Suhail Saqib | Sarfraz Hussain Zia | ناصر ملک کی دمام آمد - Dr. Md. Yahya Saba on Suhail Saqib | Sarfraz Hussain Zia | ناصر ملک کی دمام آمد
- Shabbir Nazish
اردو سخن پول میں اپنا ووٹ دیجئے
Loading ...
kya bat hai kashif majeed…..behadd khoobsurat ashaar hain…. sada slamat raho meray pyaray dost…. aur nsir bhai ka bhi shukria keh unhon tumhara aur zulfiqar aadil ka page lagaya… its more then good…. salamati ho..<3<3
kami shah g, shukria to en donon ashab ka ada kia jana maqsood hay jinhon ne urdusukhan.com ko laiq e e’tabar jana bhalay dair se hi sahi. welcome
Nasir Malik
پاکستان میں جو شعراء تسلسل کے ساتھ اچھی غزل لکھ رہےہیں ان میں کاشف مجید کانام ایک خاص اہمیت کا حامل ہے۔ یہ شاعر ادبی گروہ بندیوں اور مشاعرے کی ہلڑ بازیوں سے دور سنجیدگی سے اپنے کام میں مگن ہے۔اس کی مصرعہ سازی عام ڈگر سے ہٹ کے ہے۔ وہ سامنے کی بات کو بھی اپنے طرز اظہار کے سبب ایک نیا رنگ دینے میں کامیاب نظر آتا ہے۔اور یہ وہ نعمت و مسرت ہے جو کم کم شعراء کے حصے میں آتی ہے۔کاشف مجید کے چند شعر احباب کی نذر
گلاب جس کے لیے ہیں اسے خبر کروں میں
وہ دن بھی آئے کہ اس کی طرف سفر کروں میں
ہمارا اور تمھارا ملال ایک سا ہے
ادھر چراغ بجھا اور ادھر ستارہ گیا
جو دل سے ہوتی ہوئی آ رہی ہے میری طرف
یہ لہر مجھ کو خبردار کرنے آتی ہے
مجھ کو دکھ ہے مرے معبود! ترے ہوتے ہوئے
اپنی تنہائی کا اعلان کیا ہے میں نے
ابھی تو صرف اتارے گئے ہو مسند سے
کبھی اٹھا لیے جاؤ گے تم زمیں سے بھی
بہت دعائیں اور شاباشی!خوش رہو کاشف مجید۔
jadeed ghazal ke ginny chunny achhy shairon mein aik numayaan naam kashif majeed ka hai,unka munfarid asloob unhein ham’asar shuara mein mumtaz kerta hai.main hamesha kashif majeed k sher perh ker heran howa hoon aur unka mashkoor hoon ke woh apny sheron ke zariye ye herani aur sershari hamein bakhshty rehty hain.
کارِ محبت میں نہیں سے کام چلاناآساں نہیں لیکن دیکھیے کہ یہ کہہ کون رہا ہے؟جدید لب ولہجہ کااک باشعور شاعر ،جب ایسے باحوصلہ نوجواں ہمارے قوم کاسرمایۂ افتخارہیں تو پھرقوم میں مایوسی کیوں؟آپ ساری غزل پڑھ جائیے۔آخری شعرکے علاوہ ہر شعر حالات حاضرہ پر ایک نشتر ہے۔وہ نشترجو ناسورکاخاتمہ چاہتاہے۔وہ نشتر،جو علاج کی غرض سے اٹھایاگیاہے۔شاعرکومرض کاعلاج کرناہے۔مریض سے جذبِ محبت میں کمی نہیں آئی۔شاعر اپناکل اثاثہ،زندگی کاآخری حوالہ بھی داؤ پرلگاچکاہے۔یہ شعر دیکھیے: شعرکہتے ہوئے اک اشک نکل آیاتھا/اس کوبھی داخل دیوان کیاہے میں نے وجہ سامنے ہے،سماج،فرد اورانسانی روابط کاوہ خالی ڈھانچہ جواسے بے کل کردیتاہے۔لیکن شاعر کواپنی یہ کاوش بھی ہوا ہوتی ہوئی محسوس ہوتی ہے۔اورایک لمحے کوبس ایک لمحے کواداسی حوصلوں کو شل کرنے کے درپے ہے۔لیکن اسی کمحے ایک حسین اھساس ایک حسین شعر معذرت خواہانہ اندازسے اک ولولہ تازہ عطاکرتاہے۔مجھ کودکھ ہے مرے معبود!ترے ہوتے ہوئے/اپنی تنہائی کااعلان کیاہے میں نے
کاشف خطرناک حدتک عصری شعورکاادراک رکھتاہے۔وقت کے حوالے سے کئی تصور ہماری شاعری میں رائج ہیں۔لیکن کاشف نے وقت کاایک اورحوالہ پیداکردیاہے۔یاکم سے کم میرے محدود مطالعے میں نہیں آیا۔
باعثِ گردشِ ایام فناہوپہلے
اورپھرگردشِ ایام کوموت آجائے
وقت ہاں وقت نے ایساسنری جھال بن دیاہے کہ انسان اسی کے خواب دیکھتاہے،اسی خواہش میں ‘کہ وقت اچھابھی آئے گاناصر’زندی کے تلخ جام کوامرت سمجھ کے منہ سے لگالیتاہے۔لیکن وقے اسے جُل دے کرآگے نکل جاتاہے۔شاعر پہلے گردشِ ایام کے دھارے سے باہرآناچاہتاہے۔اورجب اسے یقیں ہوجائے کہ وہ زمیں وزمن سے آزادی حاصل کرچکاہے تو’پھرگردشِ ایام کوموت آجائے’تاکہ انسان آزادی سے اس دنیاکواپنے خوبوں کی طرح سے سنوارلے۔
اس سے بھی زیادہ اہم بات یہ ہے کہ اسے آداب مجلس کاعلم ہے۔اسے معلوم ہے کہ آدابِ مکان ومکیں کیاہوتے ہیں۔اس لیے تو وہ اچانک چونک کراس خدشے کااظہار کردیتاہے جوکہیں لاشعورمیں پنپ رہاتھا
دشت میں رہنے کے آداب اگرآجاتے
میں بھی کہتاکہ دروبام کوموت آجائے
غرض کاشف باشعور شاعرہے۔نہ صرف وقت کی دحڑکن کوسنتاہے بل کہ سمجھتابھی ہے۔افسوس کہ میں وقت کی کمی کے باعث اپنی بات کو زیادہ واضح نہیں کرسکا۔یارزندہ صحبت باقی۔مظہرفریدی
يار کاشف مجید کیا ستھری غزل کہتے ہو۔۔۔۔۔۔کیفیت کو باوقار اور خوبصورت پیراہن عطا کرتے ہو۔۔۔۔۔۔تمہاری شاعری پڑھتے ہوئے عمومی ماحول سے ہٹ کر ایک ماحول تشکیل پاتا ہے۔۔۔۔۔۔جس سے قاری حض اٹھاتے ہوئے غوروفکر کی وادی میں اتر جاتا ہے۔
سُکھ چین دی چھاں تھلے سُکھی رہو بابیو۔۔۔۔۔۔
aap ahbaab ki muhabbatoon k ley buht mamnoon hun…buht khush raheyyyyyyyyyy.
پرندوں کی اداسی اورکاشف کی غزل
غزل نہ صرف ہرعصر کی روح رہی ہے بل کہ روحِ سخن بھی ہے۔اگر شاعری ایک جسم ہے تو جان غزل ہے!؟اورہماراعہداگرچہ بے چہرگی کے کرب میں مبتلاہوا۔اورانسانی جذبات واحساسات کے ساتھ تقسیم ہند والامعاملہ ہوا جسے خوب صورت انداز میں احمدراہی نے قلم بندکیا۔
جندوں اپنڑی اپنڑی پے گئی
دھی ماں نوں لٹ کے لے گئی
اورجب ادب میں غدرپڑا تو خود نگر،خود شناس اورخوش فہمی میں مبتلا شاعروں نے ادب پر دھاوابول دیا۔اب ادب کو ئی جاگیرتونہیں کہ لٹ جاتی۔نتیجتاً غبارچھٹاتو ۔نہ کوئی زیاں تھا،نہ سودتھا۔نئے شعرا نے ادب کو پھرسے اعتبار بخشا۔اوریہ رتبۂ بلند ہرکس وناکس کونہیں ملاکرتا۔کاشف مجید ایسے ہی نوجوان شعرا میں سے ہے(ظفر اقبال نے اسے ایک اورمیٹھاخربوزہ کہاہے)۔جوتحیروتخیل کی ان دیکھی اوران سنی دنیاؤں میں محوِ سفر ہے۔
اس لیے تو وہ “نہیں “س
ے بھی کام چلانے کوتیارہے۔یعنی ابتدائے کلام توہو۔کہ یہ تعلقِ خاطرکی ابتداہوتی ہے۔باقی رہامعاملہ نہیں کاتو ‘نہیں’ نہیں رہتی۔
شروع کارِ محبت توکرکہیں سے بھی
کہ میراکام چلے گاتری نہیں سے بھی
جوتخلیق کار یہ حوصلہ رکھتاہو ،ہم ا س سے یااس کی نسل سے مایوس کیوں کرہوسکے ہیں۔کہ یہ لوگ تواپنے شعرکے تیشے سے کہیں سے بھی پانی نکال سکتے ہیں۔یوں اپنے لیے ایک اورراستہ تلاشتاہے۔
ع اب ان کوتیسرارستہ کوئی دیاجائے
پوری غزل روحِ عصرکا آئینہ ہے۔پہلو بدل بدل کر شاعر نے جہاں تہاں ایسے آئینے نصب کردیے ہیں کہ کسی صورت اپنے آپ کونہیں بچایاجاسکتا۔ہر بہروپ میں سامنے آناہوگا۔
ابھی توصرف اتارے گئے ہومسند سے
کبھی اٹھالیے جاؤ گے تم زمیں سے بھی
انسان یہ سب کچھ نام ونسب کے لیے کرتاہے۔خودفریبی میں مبتلاہوکراپنے آپ کودھوکادیتاہے،سمجھتایہ کہ دنیاکوکچھ معلوم نہیں،یہیں سے وہ ایک ایسی دلدل میں گرپڑتاہے کہ پھرکوئی بھی اسے سہارانہیں دے سکتا۔مسلسل حرکت سے اس کے غرق ہونے کی رفتارمیں تو اضافہ ہوتاہے،لیکن افسوس یہ کہ جھوٹی انااور
تکبراس کاپیچھانہیں چھوڑتے۔
“نام کاکیاہے بھلانام کوموت آجائے”
نام کی اہمت نہیں ۔اصل توکچھ اور ہے۔”وہ”جوکچھ اورہے اگرہوجائے تونام بھی بچ جائے اور وہ کیاہے؟
“ڈرواس وقت سے جب کام کوموت آجائے”
کاشف نے اس غزل میں ‘وقت’کاایک اور پہلودریافت کیاہے۔کہ ہم سب وقت کی قیدمیں ہیں۔اس سنہرے پنجرے میں پھڑپھڑارہے ہیں۔لیکن کوئی اس سے فرارحاصل نہیں کرسکتا۔وقت کاتعلق چوں کہ صرف کرۂ ناسوت سے ہے،اس لیے جب ایک باشعورانسان پر اس کی حقیقت ظاہرہوتی ہے تو وہ اوربھی بے بس محسوس کرتاہے۔کہ بے بسی کاادراک انتہائے بے بسی ہے۔اس کے دل میں عجب خواہش کلپنے لگتی ہے۔
باعثِ گردشِ ایام فناہوپہلے
اورپھرگردشِ ایام کوموت آجائے
“باعثِ گردش ایام”کہیں مرے کرم فرما اس سے کوئی خطرناک مطلب اخذ کرنے کی جلدی نہ کریں کہ حرص وہوس کاچکر ہے۔حسنِ ازل کو دیکھنے کی عجب سرمستی ہے کہ شاعر’ باعثِ گردشِ ایام ‘کوفنا کرکے بھی ،مطمئن نہیں ہوتا،اب وہ آخری قدم اٹھانے کوتیارہے کہ یہ دن اوررات کاچکر،کہ جس نے ہر چیز کوچکرادیاہے،ختم ہوجائے۔
“نہ توتو رہا،نہ میں رہا،جورہی سوبے خبری رہی”
اوراب جو گردشِ ایام عمل موت سے گزرے گی،وہ جوفاصلہ ہے درمیاں کٹ جائے گا۔اب تک اس نے اپنے آپ کو کیسے سنبھال رکھاہے؟اس کاجواب بھی شاعر نے خوددےدیاہے۔
اشک ہی اب توحوالہ ہیں مرے ہونے کا
یہ نہ ہوں تودلِ ناکام کوموت آجائے
شاعراپناسب کچھ داؤ پر لگاکر ،اپنے رازکی ہنڈیابیچ بازار پھوڑ چکاہے۔اوروجہ ِ زندگی بھی بیان کرچکاہے۔تواشکوں کو غم یااحساسِ غم نہیں زندگی کے ہونے اورنہ ہونے کاحوالہ سمجھاجائے۔زیست دشت کے آداب اورطرح کے ہیں۔کیوں کہ شاعر کہہ رہاہے اگر دشت میں رہنے کے آداب سے واقف ہوتا تو کہتاکہ’دروبام ‘کوموت آجائے۔یہاں ایک لطیف نکتہ بھی ہے کہ جب انسان خود آسائش میں ہوتاہے تواسے دوسروں سے کوئی واسطہ نہیں رہتا۔لیکن شاعر نے حرف شرط”اگر”کااستعمال کرکے خود کوبچالیاہے۔اوراسے ایک طنزِ لطیف میں بدل دیاہے۔زندہ باد ،کاشف صاحب زندہ با!
محبت میں اس مقام کی آرزوہےکہ:”اپنے جیسی تری حالت کرجاؤں”اس کے بعد شاعر کے ارادے بڑے خطرناک ہیں”اشک مٹی کوودیعت کرجاؤں”لب ولہجہ کی تازگی نے غزل کو نیاذائقہ عطاکیاہے۔اورعہدِ حاضر کاکرب اپنی تمام تر آتش فشانیوں کے ساتھ موجود ہے۔لیکن شاعر کے حوصلے بلاکے ہیں۔زندہ رہنے میں جو ایک مشکل اورکرب ہے،وہ کرب وبلاہے۔ہر عہد کاایک کربلاہوتاہے۔موجودہ دورکاکربلا’حدسے پڑھی ہوئی حساسیت اور آنے والے عہدکاشعورہے۔اوریہ شعورکسی کل بیٹھنے نہیں دیتا۔لیکن شاعرایک عہد کرچکاہے۔
زندہ رہنے کاجوپیمان کیاہے میں نے
سربسراپناہی نقصان کیاہے میں نے
شاعر جانتاہے کہ یہ فیصلہ کیاگل کھلائے گا۔لیکن یہ بارِ امانت توبہرحال کسی نہ کسی کوتواٹھاناہی پڑتاہے۔سو کاشف ان شاعروں میں سے ہے جن پر”اناکان ظلوماً جہولا”کے الفاظ صادق آتے ہیں۔شاعر کسی بھی لمحے روح سے بے خبرنہیں ہوتا،احساس لطیف پیکر بن بن کر کسی طور ظاہر ہوجاتے ہیں۔
شعرکہتے ہوئے اک اشک نکل آیاتھا
جسم کے برداشت کی ایک حد ہے۔احساس ایک حد تک آپ کے صبروبرداشت کاساتھ دیتاہے۔روح ایک حد تک ہجروفراق کو سہتی ہے۔آخر چشم بہہ پڑتی ہے۔غالباً خمار بارہ بنکوی کاشعرہے۔
اک قطرہ کہہ گیاسب حال دل کا
میں یہ سمجھاتھاکہ ظالم بے زباں ہے
لیکن کاشف ،ایک اور مقام سے کہہ رہاہے۔
شعرکہتے ہوئے اک اشک نکل آیاتھا
اس کوبھی داخلِ دیوان کیاہے میں نے
جو کچھ دامن میں تھا وہ لٹادیاہے۔ایک اشک کہ متاعِ عشق تھا۔وہ بھی دے دیاہے۔انفرادیت پسندی،فردیت،موجودیت کے طوفان نے ہر ذی فہم کو ایک ایسے چوراہے پر لاکھڑاکیاہے،جہاں سے راستے تو نکلتے ہیں ،منزل کا کچھ پتانہیں ملتا۔لاحاصل کی جستجو،اور لایعنی کی لگن نے قیدِ ذات میں مقید کر دیاہے۔تنہائی کازہر رگ وپے کودیمک کی طرح چاٹ رہاہے۔ایسے میں اگر کوئی ایسا حرف زباں پرآجائے :
مجھ کودکھ ہےمرے معبود!ترے ہوتے ہوئے
اپنی تنہائی کااعلان کیاہے میں نے
خوابوں کاتعلق رات سے ہوتاہے۔لیکن کاشف نے دن میں رنگ رنگ کے خواب بننے شروع کیے ہیں۔اوروہ مطمئن ہے کہ وہ رائیگاں جانے والے نہیں ہیں۔لیکن رات،اندھیرا جوکبھی خواب لاتاتھا اب انھیں مسمار کرنے کے درپےہے۔یہ انتہائی خبردارکرنے والی صورتِ حال ہے۔کہ شاعرکوکس بات نے دن میں خواب دیکھنے پرمجبورکیاہے۔وہ کون حالات ہیں۔
میں دن میں خواب بناتاہوں رنگ رنگ کے خواب
مگریہ رات انھیں مسمار کرنے آتی ہے
اندھیراجاتاہے جب بھی الٹ پلٹ کے مجھے
تو ر و شنی مجھے ہم وا ر کر نے آ تی ہے
نتیجہ سامنے ہے کہ اندھیرا اسے توڑ پھوڑ کر چلاجاتاہے،نہ صرف اسے اس کے وجودکو،اس کے جذبات کوبل کہ خوابوں کوبھی، اورپھرروشنی ہی آکراسی زیست کے دھارے میں پھر سے شامل ہونے میں مدددیتی ہے۔یہاں شاعرنے “خواہش ِ دنیا”کوایک الگ انداز سے چتاؤنی دی ہے۔کہ تیراکام فقط لالچِ دنیاپیداکرناہی ہے۔اورتوانسانی روح کوبیمارکرنے کاسبب بنتی ہے۔
شاعراپنے آپ سے ایک عہدکرتاہے”اب خود سے بچنے کی میں تدبیرکروں گا”کیوں کہ لالچ سے بچنا ناممکن ہے۔اس لیے شاعر خود سے بھی بچناچاہتاہے۔لیکن اسے یہ خوف بھی ہے کہ “ڈریہ ہے کہ اس باربھی تاخیرکروں گا”۔
لیکن حالات کاجبر اسے ایک ایسے مقام پرلے آیاہے کہ :
خودکوبھی یاد میں اب ایک زمانے سے نہیں
تم گریباں سے پکڑومجھے شانے سے نہیں
بات ادھم کہہ دی،یہ پوری غزل ان تمام غزلوں سے الگ اورایک نیئےراستے کاپتادیتی ہے۔آنس معین نے کہاتھا:
مرے اندربسی ہوئی ہے اک اوردنیا
مگرتونے کبھی اتنالمباسفرکیاہے
کاشف صرف چاہتایہ ہے کہ کسی طرح پرندوں کی اداسی نہ رہے۔اگرپیڑ کٹ گئے تو پرندے کہاں جائیں گے۔ورنہ پیڑ کاٹناہمارے لیے کوئی مسئلہ نہیں ہے۔ہم توبس یہ چاہتے ہیں کہ پرندے بےگھرنہ ہوں۔
اس کے لیے اس نے یہاں تک کہہ دیاہے کہ میں خودفریبی اوربے بسی کی اس منزل پر ہوں کہ شانے ہلانے سے شاید میں ہوش میں نہ آسکوں۔لہٰذا میرا’گریباں
‘پکڑو کہہ مجھے ہوش آئے۔یہاں اک لطیف نکتہ ہے کہ شانے ہلانے سے جوہوش میں نہیں آتا،وہ گریباں پکڑنے سے کیوں کرہوش میں آئے گا۔بات بالکل سامنے کی ہے کہ گریباں پر ہاتھ پڑنا ‘عزت’پر ہاتھ پڑنے کے مترادف ہے۔یعنی واقعاتِ دہرنے اس قدر گنگ اورساکت کردیاہے کہ یہ سکوت ہلانے سے نہیں ،اب عزت سے ہاتھ پڑنے پر توٹے توٹوٹے ورنہ اس کاکوئی امکان نہیں ہے۔حالات حاضرہ پر اس سے زیادہ بہتر طنر(طنزِملیح)اورکیاہوگا؟
یہاں تک کہ وہ مروجہ روایات واقدار سے ہٹ کر اک عجب طورسے یار کومنانے کاڈھنگ کرچکاہے۔
یارکومیں نے منایاہے اداکاری سے
رقص کرنے سے نہیں،اشک بہانے سے نہیں
کاشف شعری روایت سے مکمل طورپرآگاہ ہے۔وہ صوفیانہ روایت کابھی اسی طرح امین ہے ،جیسے اردوکی شعری روایت کاپاس دار ہے۔
کنجری بنڑیاں میڈی عزت نیں گھٹدی
مینوں نچ کے یار مناون ڈے
لیکن کاشف نے نہ اشک بہائے ،نہ رقص کیا۔اوریارکواداکاری سے منایا۔یہ وہ تہذیبی انحطاط ہے، جس کاامین آج کاشاعر ہے۔ہم اخلاقی اور تہذیبی طورپر اس قدر تہی دست ہوچکے ہیں کہ دکھاوا،اداکاری ،ہمارامعیاربن گئی ہے۔
آخر شاعر یہ سمجھنے پرمجبور ہے کہ دنیامیں رہناہے تودنیاکے طوراطوار سیکھنے ہوں گے،اپنانے ہوں گے ۔ورنہ اسے یہ نوشتۂ دیوار دکھائی دے رہاہے کہ وہ دنیامیں نہیں رہ سکتا یاکام یاب نہیں ہوسکتا۔عبرت کدۂ دہرہے اورہم ہیں دوستو!۔
دنیاداری کاسبق سیکھنے آیاہوں یہاں
میری نسبت کسی درویش گھرانے سے نہیں
اور یہ سب کام وہ اس لیے کررہاہے کہ اسے کونجوں کے کوچ کرجانے کاخوف ہے۔اگرپرندے کوچ کرگئے تو حیرت پرواز نہیں رہے گی۔اور حیرت زندگی کی بے شمارنعمتوں میں سے ایک نعمت ہے۔
اب ایک دوباتیں کاشف کی شاعری میں “آگ”کی مناسبت سے،آگ ابھی کچی ہے،کچی آگ کیسی ہوتی ہے،اس کے شعلے میں کیاکمی ہوتی ہے،اورکتنادھواں اٹھاتی ہے۔آپ مجھ سے بہتر جانتے ہیں۔ابھی کاشف نے “تھلے بال ہڈاں دی اگ”والامرحلہ طے نہیں کیا۔
آخر میں ،وہ نعتیہ اشعارجوکاشف کی غزل میں درآئے ہیں۔ایک صحرائے کرب وہجرمیں نخلستان کاسااثر رکھتے ہیں۔کاشف کادل بہرحال ایک عاشق کادل ہے۔اورعشق کی منزل ‘درِ یار’کے سواکوئی اورنہیں ہوتی۔
آخر میں ایک جملہ معترضہ،کاشف نے کہاہے:
وہ یاسمیں ہے جومیری ہے صرف میری مگر
میں جھوٹ بولتارہتاہوں یاسمیں سے بھی
یہ اس کاسچ بھی ہے،اوراعتراف بھی،لیکن میرامشورہ یہ ہے کہ ناں مری جان!،محبت کرنے والوں سے جھوٹ نہیں بولاکرتے۔
Kashif Majeed Urdu ghazal ka aitbaar hein . kshif jis rastey pe chall raha he oss pe wo bilkul akaila he aur ye imtiaz bhi he aur imtehan bhi jis pr wo abhi tk puri tarah kamyab howa he , me samajhta hon kashif ki ghazal se nao ward achhay rasty ka tayyn karein ge