یہ گھر بسا لیا گیا، یہ کس نے کہہ دیا تمہیں؟ ۔۔۔۔۔ ناصر ملک

یہ گھر بسا لیا گیا، یہ کس نے کہہ دیا تمہیں؟
تمہیں بھلا دیا گیا، یہ کس نے کہہ دیا تمہیں؟

ye ghar basa lia gia, ye kis ne keh dia tumhaiN?

tumhaiN bhula dia gia, ye kis ne keh dia tumhaiN?

وہ اِک معاشقہ ہی تھا، کہ تھا ، تو اس کے بعد بھی
معاشقہ کیا گیا، یہ کس نے کہہ دیا تمہیں؟

wo ik mo’ashiqa hi tha, k tha, to us k ba’d bhi

mo’ashiqa kia gia, ye kis ne keh dia tumhaiN?

علی الصباح دو بدن بچھڑ گئےتھے اور پھر
ہوا گئی، دِیا گیا، یہ کس نے کہہ دیا تمہیں؟

alas sabah do badan bichar gaey thay aor phir

hawa gai, dia gia, ye kis ne keh dia tumhaiN?

شبِ فراق میں خمارِ وصل تھا، شراب تھی
تو جام بھی پیا گیا، یہ کس نے کہہ دیا تمہیں؟

Shab e firaq maiN Khumar e wasl tha, sharab thi

to jaam bhi pia gia, ye kis ne keh dia tumhaiN?

بھلے یہ دھڑکنیں اُچھالتی رہی تھیں حوصلے
مگر یہاں جِیا گیا، یہ کس نے کہہ دیا تمہیں؟

bhalay ye dharkanaiN uchalti rahi theiN hoslay

magar yahaN jia gia, ye kis ne keh dia tumhaiN?