Rumana Roomi | Ghazal | رومانہ رومی کی ایک غزل

– November 9, 2011Posted in: Poetry, Selected Ghazals
Rumana Roomi, Karachi rumana_roomi@hotmail.com غزل لمحہ لمحہ بدل رہی ہوں میں یاد میں کس کی ڈھل رہی ہوں میں راس آتی نہیں کبھی مجھ کو روشنی سے نکل رہی ہوں […]

Rumana Roomi, Karachi

rumana_roomi@hotmail.com

غزل

لمحہ لمحہ بدل رہی ہوں میں
یاد میں کس کی ڈھل رہی ہوں میں
راس آتی نہیں کبھی مجھ کو
روشنی سے نکل رہی ہوں میں
اُس کی یادیں ہیں اب مرا وجدان
خود ہی خود میں اُجل رہی ہوں میں
میں نے ہر بات سچ کہی اُس سے
ہر کہے پر اٹل رہی ہوں میں
وقت پھر ساتھ کیوں نہیں دیتا
وقت کے ساتھ چل رہی ہوں میں
ہاں! تمازت میں اُس کی یادوں کی
رات دن کیوں پگھل رہی ہوں میں
کیا حقیقت ہے کیا ہے خوش فہمی
سوچ کر یہ سنبھل رہی ہوں میں
بن رہی ہوں میں فطرتاََ بچہ
ہر قدم پر مچل رہی ہوں میں
میرا فردا تمہیں بتائے گا
آج کا اپنے کل رہی ہوں میں
روشنی ہے کہ آگ ہے چاہت
جانے کیوں اس میں جل رہی ہوں میں
وقت پھر کیا مٹائے گا مجھ کو
وقت کو خود اُگل رہی ہوں میں
مجھ کو وہ کیا بھلائے گا رومیؔ !
اُس کا دشت و جبل رہی ہوں میں

Viewers: 13480
Share